ԵՄ-ի անդամ երկրների ներքին գործերի նախարարները ձայների մեծամասնությամբ հաստատել են ԵՄ-ի երկրների միջև 120 հազար փախստականների տեղաբաշխելու մասին որոշումը:
Այս որոշումն ընդունվել է այսօր Բրյուսելում կայացած արտակարգ նիստի ժամանակ`ձայների բացարձակ մեծամասնությամբ, հաղորդում է գերմանական «Deutsche Welle»-ն:
Չեխիայի ներքին գործերի նախարար Միլան Խովանեցը «Twitter»-ի իր միկրոբլոգում նշել է, որ նախագծին դեմ են քվեարկել Չեխիան, Սլովակիան, Ռումինիան և Հունգարիան: Ֆինլանդիան ձեռնպահ է մնացել:
Փախստականներին բաշխելու են կամավորության սկզբունքով: Գերմանիան կընդունի նրանցից 31 հազար հոգու:
