Ռուսաստանը համապատասխան գործողությունների է դիմելու, եթե ԱՄՆ միջուկային նոր զենք տեղակայի Գերմանիայի տարածքում:
Այս մասին հայտնել է ՌԴ նախագահի մամուլի խոսնակ Դմիտրի Պեսկովը, փոխանցում է NTV.ru-ն:
Դմիտրի Պեսկովի՝ ռուսական լրատվական գործակալություններին տրված մեկնաբանություններին նախորդել էր գերմանական ZDF հեռուստաընկերության կողմից տեղեկատվության հրապարակումը, որ ԱՄՆ –ն աշխատանքներ է տանում Գերմանիայում տեղակայված ռազմա-օդային ռազմակայանում B61-12 միջուկային զենք տեղակայելու ուղղությամբ։
«Ցավոք, այդ քայլը կստիպի Ռուսաստանին համապատասխան հակաքայլեր ձեռնարկել հավասարակշռությունը վերահաստատելու ուղղությամբ»,- նշել է Դմիտրի Պեսկովը:
