Հռոմի Պապ Ֆրանցիսկոս Առաջինը իր ելույթում նշել է կլիմայի փոփոխության խնդրի լուծման անհրաժեշտության մասին, հայտնում է Gazeta-ն՝ վկայակոչելով Fox News-ը։
Պոնտիֆիկոսը իր ելույթում շնորհակալություն է հայտնել Բարաք Օբամային։
«Լինելով ներգաղթյալ ընտանիքի զավակ՝ ես ուրախ եմ լինել այս երկրում, որը մեծամասամբ կառուցվել է հենց նման ընտանիքների ջանքերով»,- նշել է Ֆրանցիսկոսը։
Հռոմի Պապը անդրադարձել է կլիմայի փոփոխությանը՝ ասելով. «Կլիմայի փոփոխությունը խնդիր է, որն այլեւս չի կարելի թողնել հաջորդ սերունդներին»։
Նա նաեւ ամերիկացիներին խնդրել է աջակցել բնակչության խոցելի խմբերին։
