Մինսկի խմբի համանախագահները հանդես են եկել հայտարարությամբ, որտեղ ափսոսանքն են հայտնել որ միջադեպերը տեղի են ունեցել Նյու Յորքում Հայաստանի և Ադրբեջանի արտգործնախարարների ծրագրված հանդիպման նախաշեմին:
«Ցավում ենք, որ միջադեպերը տեղի են ունեցել Նյու Յորքում Հայաստանի և Ադրբեջանի արտգործնախարարների ծրագրված հանդիպման նախաշեմին:
Նման զենքի օգտագործումն անընդունելի լարվածություն է առաջացնում հակամարտությունում։ Մենք մեր խորին ցավակցություններն ենք հայտնում զոհերի ընտանիքներին՝ միջազգային սահմանի և շփման գծի երկու կողմերում կորուստների առնչությամբ։
Մենք հնարավոր ամենաազդեցիկ ձևով կոչ ենք անում խուսափել քաղաքացիական անձանց շրջանում զոհերից: Կողմերը պարտավորություն ունեն Ժնևի կոնվենցիայով պաշտպանել քաղաքացիական անձանց անվտանգությունը»,- ասված է հայտարարությունում:
Համանախագահները նշել են, որ կշարունակեն իրենց աշխատանքը կողմերի հետ ամենաբարձր մակարդակով՝ լարվածությունը նվազեցնելու և տևական ու խաղաղ կարգավորման հարցում առաջընթաց գրանցելու համար։
