Երբ հարաբերություններն ավարտվում են, շատերն օգտագործում են սոցիալական ցանցերը, որպեսզի իմանան, ինչով է զբաղվում նախկին զուգընկերը, ում հետ է հանդիպում:
Հետևելու նման սովորությունը, պարզվում է, վտանգավոր է: Այս եզրահանգմանն են եկել Օհայո համալսարանի մասնագետները:
Dailymail-ի տեղեկացմամբ` դա կարող է երկարացնել տառապանքը, ինչպես նաև բացասաբար ազդել հետագա հարաբերությունների վրա:
Մարդիկ մտնում են նախկին սիրեցյալի ֆեյսբուքյան էջ, որպեսզի վստահություն ձեռք բերեն, սակայն հիասթափվում են: Դրանից հետո ընկնում են վստահության վերականգնման ուղիների փնտրտուքների մեջ:
Մասնագետները նման եզրակացության են եկել՝ ուսումնասիրություն անցկացնելով 18-42 տարեկան 150 տղամարդու և 281 կնոջ շրջանում:
