ԱՄՆ նախագահ Բարաք Օբաման և Իրանի արտգործնախարար Մոհամմադ Ջավադ Զարիֆը Նյու Յորքում, ՄԱԿ-ի Գլխավոր ասամբլեայի շրջանակում, միմյանց ձեռք են սեղմել:
Սա ԱՄՆ նախագահի և իրանցի բարձրաստիճան պաշտոնյայի առաջին ձեռքսեղմումն է՝ սկսած 1979 թվականից, երբ տեղի էր ունեցել իսլամական հեղափոխությունը։
Հիշեցնենք, որ ՄԱԿ-ի Գլխավոր ասամբլեայի շրջանակներում տեղի են ունեցել Իրանի միջուկային ծրագրի հարցով միջնորդ «վեցյակի» և Իրանի արտգործնախարարների բանակցությունները։