Փետրվարի 5-ին` ժամը 05:49-ին, ահազանգ է ստացվել, որ Երևանի Արշակունյաց պողոտայի և Գ. Լուսավորիչ փողոցների խաչմերուկում՝ «Տիգրան Մեծ» տպագրատան շենքից ծուխ է նկատվում: Այս մասին տեղեկացնում է ԱԻՆ-ը։
Դեպքի վայր են մեկնել երկու մարտական հաշվարկ: Պարզվել է, որ հրդեհը բռնկվել է Արշակունյաց պողոտայի թիվ 2 շենքում: Հրդեհը մեկուսացվել է ժ.06:22-ին, մարվել՝ ժ.06:45-ին: Տպարանի պահեստում այրվել է թուղթ (5 խմ):
