Բրիտանական The Telegraph պարբերականն ուշագրավ ֆոտոշարքի տեսքով ներկայացրել է աշխարհի ամենահաջողակ գործարարներից մեկի՝ Microsoft տեխնոլոգիական ընկերության համահիմնադիր, հայտնի բարեգործ Բիլ Գեյթսի անցած ուղին։
Գեյթսն իր առաջին համակարգչային ծրագիրը գրել է 14 տարեկանում։ Սակայն «պայծառ գլխով» այս երիտասարդը հաջողացրել է նաև հայտնվել իրապահ մարմինների ուշադրության կենտրոնում։ Այս լուսանկարն արվել է 1977թ. դեկտեմբերին՝ Նյու Մեխիկոյում։ Գեյթսի ձերբակալման իրական պատճառը հայտնի չէ։
17 տարեկանում Գեյթսը Փոլ Ալենի հետ հիմնել է իր առաջին ընկերությունը՝ Traf-O-Data-ն։ Սակայն հաջողություն չունենալու և ոչ բավարար եկամուտ բերելու պատճառով այն փակվել է։
Դպրոցից հետո նա ընդունվել է Հարվարդի համալսարան ու արդեն 2-րդ կուրսում ստեղծել շատ արդյունավետ մի ալգորիթմ, որն անփոխարինելի էր հետագա 30 տարվա համար։
Այնուհետև Գեյթսն անավարտ է թողել ուսումն ու Ալենի հետ պայմանագիր կնքել համակարգչային MITS ընկերության հետ, ինչն էլ հետագայում հանգեցրել է Microsoft-ի ստեղծմանը։
Այս լուսանկարում ներկայացված են Microsoft Corp.-ի 11 աշխատակիցները, ովքեր աշխատել են Նյու Մեխիկոյի գրասենյակում։
Microsoft-ն անկախացել է MITS-ից 1976թ., իսկ 1980թ. ընկերությունը սկսել է համագործակցել IBM-ի հետ։ Լուսանկարում Գեյթսն ու Ալենը՝ International Business Machines-ի արտադրության համակարգիչների հետ։
1984թ. ապրիլին Գեյթսը հայտնվել է հեղինակավոր Time ամսագրի շապիկին։
Գեյթսին հաճախ բնորոշում էին որպես բառի բուն իմաստով «մարտական» տնօրեն։
Գեյթսը եղել է պլանշետային համակարգիչների ստեղծման գաղափարի ամենաառաջին աջակիցներից մեկը։ 2002թ. Microsoft-ը ներկայացրել է իր առաջին պլանշետը։
1994թ. Գեյթսն ամուսնացել է Մելինդա Ֆրենչի հետ, և զույգն այժմ ղեկավարում է Bill & Melinda Gates Foundation բարեգործական հիմնադրամը, որն օգնում է 3-րդ աշխարհի երկրներին։
2005թ. Գեյթսն անսպասելիորեն հայտնվել է էլեկտրոնիկայի խանութներից մեկում, որպեսզի անձամբ տեսնի, թե ինչպես է ընթանում նոր Xbox 360 խաղային կցորդի վաճառքը։
Գեյթսը մի քանի անգամ ճանաչվել է աշխարհի ամենահարուստ մարդ, սակայն հարցազրույցներում նա բազմիցս նշել է, որ չի սիրում լինել ուշադրության կենտրոնում և որ կարողության մեծ մասը հատկացրել է բարեգործությանը։ Լուսանկարում ամուսինները զրուցում են տուբերկուլյոզով հիվանդի հետ։
Ինչպես և ամերիկացի միլիարդատեր Ուորեն Բաֆեթը, Գեյթսը ևս ստորագրել է մի երաշխավորագիր, որով պարտավորվում է կենդանության օրոք իր կարողության կեսը տրամադրել բարեգործությանը։ Սակայն գործարարն իրականում մտադիր է նվիրաբերել 95%-ը։ Լուսանկարում Բաֆեթն ու Գեյթսը սեղանի թենիս են խաղում։
Գեյթսը ելույթ է ունենում Microsoft Windows Vista օպերացիոն համակարգի շնորհանդեսի կապակցությամբ կազմակերպված միջոցառմանը։
2008թ. Գեյթսն ու Մայքլ Դելը՝ Dell տեխնոլոգիական ընկերության հիմնադիրը, համախմբել են իրենց ուժերն ու միացել հանրահայտ երգիչ Բոնոյին՝ Աֆրիկայում ՄԻԱՎ-ի դեմ պայքարի համար։
Գեյթսը կիթառի տեսքով Xbox 360 Guitar Hero խաղային կցորդով նույն բեմում «ելույթ է ունենում» լեգենդար ռոքեր Սլեշի հետ։
2006թ. Գեյթսը հայտարարել է Microsoft-ի գործադիր տնօրենի պաշտոնից հրաժարվելու ու տեխնոլոգիական խորհրդատուի պաշտոնը ստանձնելու մասին։
Անցած ամիս Գեյթսը դեղին ճուտիկի հագուստով հայտնվել է Ջիմի Ֆելոնի երեկոյան շոուի ժամանակ։
Ներկայում ընկերության գործադիր տնօրենն է Սատյա Նադելան։ Microsoft-ի 39-ամյա պատմության ընթացքում Գեյթսից ու Սթիվ Բալմերից հետո նա 3-րդ անձնավորությունն է, ով զբաղեցնում է այդ պաշտոնը։
