Հարի Փոթերի մասին պատմող գրքերի և ֆիլմերի սիրահարները հնարավորություն կունենան մասնակցել սուրբծննդյան ճաշին՝ Հոգվարթս ամրոցի գլխավոր սրահում:
Հանդիսությունը կկազմակերպի Warner Bros. Studio Tour London ընկերությունը:
Այս բացառիկ ճաշկերույթը գնահատվել է մոտ 350 դոլար։ Հյուրերին կառաջարկվեն Փոթերի և նրա ընկերների սիրելի ուտելիքները: Ճաշի մասնակիցներին նաև կշնորհեն մեկական կախարդական փայտիկ:
Մասնակիցները հնարավորություն կունենան նաև տեսնել Գրիֆինդոր ֆակուլտետի հյուրասենյակը, Հոգվարթս-էքսպրես գնացքը և այլ հայտնի վայրեր։
