Ճապոնական Fujitsu ընկերությունը ներկայացրել է Lifebook AH90/P նոթբուքը՝ հայտնում է Lenta.ru-ն:
Համակարգիչը, որի երկրորդ անվանումը Grannote է, նախատեսված է այն մարդկանց համար, որոնց տարիքը 60 և ավելի է:
Նոթբուքը հագեցած է կոճակների միջև տարածություններ ունեցող ստեղնաշարով: Համակարգչում կա լուսավորվածություն, ընդ որում՝ լուսավորվում են ոչ միայն ստեղնաշարի կոճակները:
Համակարգչում նախատեսված է Awaseru Voice գործառույթ, որն ուժեղացնում է բարձր հաճախականությունը, ինչը վատ են լսում տարեցները:
Awaseru View գործառույթն իր հերթին ապահովում է օպտիմալ վառվռունության և էկրանի գունային հավասարակշռությունը:
Համակարգիչը հագեցած է Intel Core i7 4500U պրոցեսորով, 1920-ը 1080 կետայնությամբ 15.6-դյույմանոց էկրանով, 8 գիգաբայթ օպերատիվ հիշողությամբ:
Ճապոնիայում այն կվաճառվի փետրվարի 13-ից:
