Նյու Յորքում (ԱՄՆ) կայացել է ամերիկացի դերասան Ֆիլիպ Սեյմուր Հոֆմանի հուղարկավորությունը, հայտնում է Взгляд-ը։
Արարողությանը ներկա են գտնվել միայն ընտանիքի անդամներն ու մտերիմ ընկերները, այդ թվում՝ հոլիվուդյան հայտնի դերասաններ Մերիլ Սթրիփը, Քեյթ Բլանշետը, Իթան Հոուկը, Ջուլիանա Մուրը, ինչպես նաև ռեժիսոր Սփայք Լին։
46-ամյա Հոֆմանը մահացած էր հայտնաբերվել Նյու Յորքի իր բնակարանում՝ լոգարանում։
Նախնական տվյալներով՝ Հոֆմանը մահացել է թմրանյութերի գերդոզավորումից։ Դեպքի վայրում հայտնաբերվել է նյութով ծրար, որը նախնական տեղեկությունների համաձայն՝ հերոին է։
