Սոցիոլոգ Ահարոն Ադիբեկյանը պնդում է, որ «Եհովայի վկաներ» աղանդի արտոնությունները պետք է սահմանափակվի: Նա մատնանշեց, որ մի քանի երկրներում նրանց գործունեությունն արդեն իսկ արգելվել է:
«Գաղտնիք չէ, որ նրանք «կերակրում» են մարդկանց, սնունդ են տրամադրում, դրա համար էլ մարդիկ դառնում են նրանց կազմակերպության անդամ: Եթե մի քիչ կուշտ երկիր լինենք, նրանց քշելը հեշտ կլինի»,- ասաց Ադիբեկյանը:
Նրա կարծիքով՝ Առաքելական եկեղեցին պետք է ակտիվ ու ագրեսիվ լինի:
«Բոլորիս է հայտնի, որ այդ աղանդի արական սեռի ներկայացուցիչները հրաժարվում են ծառայել բանակում, նրանք այլընտրանքային ծառայությունն են ընտրում»:
Ադիբեկյանի տվյալներով՝ այսօրվա դրությամբ Հայաստանում գրանցված է 40 կրոնական համայնք:
