Ինդոնեզիայում գտնվող Չիտարում գետն այնքան աղտոտված է և լցված աղբով, որ հնարավոր չէ անգամ տեսնել ջուրը, գրում է viralnova.com –ը:
Մոտ 5 միլիոն մարդ է ապրում գետի ավազանի մոտ, բայց նրանց գործունեությունը գետի աղտոտվածության պատճառի միայն մի մասն է: Մոտակայքում գտնվող տեքստիլ գործարանները թունավոր թափոններ են արտանետում ջրի մեջ: 2 000-ից ավելի ձեռնարկություններ աղտոտում են գետի 5,020 քառակուսի մղոն հատվածը կապարով, սնդիկով, մկնդեղով և այլ թունավոր նյութերով:
Ըստ աղբյուրի՝ զզվելի գետը օգտագործվում է տեղական գյուղատնտեսության, ջրի մատակարարման, ձկնորսության, արդյունաբերության, կոյուղային համակարգի, էլեկտրականության և այլ շատ ոլորտների համար:
Այս չափազանց կեղտոտ գետը հոսում է բրնձի դաշտերով, որտեղ ընտանիքներն այն օգտագործում են լվանալու, ուտելիք պատրաստելու, լվացվելու և խմելու համար:
Այն հայտնի է որպես աշխարհի ամենակեղտոտ գետ: Բայց անգամ անհատական մակարդակով՝ մարդիկ պարբերաբար կեղտոտում են այն իրենց աղբով:
Դժվար է պատկերացնել, թե ինչ տեսակի բակտերիաներ և վարակներ են զարգանում Չիտարում գետի կեղտոտ ջրերում, բայց տեղացի բնակիչների համար այն ջրի աղբյուրներից մեկն է, որի վրա նրանք պետք է ապավինեն կենդանի մնալու համար: