«Տիտանիկ» նավի առաջին դասի ուղևորների վերջին ճաշի ճաշացանկը վաճառվել է 88 հազար դոլարով, փոխանցում է Lenta.ru-ն:
Վաճառքը կայացել է Lion Heart Autographs ինտերնետ-աճուրդով:
Թղթի վրա տպագրված է է White Star Line ընկերության տարբերանշանը, որին պատկանել է նավը: Առաջին դասի ուղևորներին վերջին ճաշի ժամանակ առաջարկել էին ձկնեղեն, ապխտած միս, կարտոֆիլ, պանրի ութ տեսակ և այլն:
«Տիտանիկ» նավը կառուցման պահին աշխարհում ամենամեծն էր: 1912 թվականի ապրիլի 15-ի գիշերը Ատլանտյան օվկիանոսում նավը բախվում է սառցե բեկորի և խորտակվում է:
