Հայաստանի Հանրապետական կուսակցության Գործադիր մարմնի նիստից հետո կուսակցության մամուլի խոսնակ, ԱԺ փոխնախագահ Էդուարդ Շարմազանովը լրագրողների հետ զրույցում անդրադարձավ սահմանին տիրող իրավիճակին:
Շարմազանովի խոսքով, այս երկու օրերին հայ-ադրբեջանական սահմանը համեմատաբար խաղաղ է, քան նախորդ մեկ շաբաթվա ընթացքում:
ՀՀԿ խոսնակը նաև հայտնեց, որ երկու օր առաջ է եղել Տավուշի մարզում, եղել Բերդավան համայնքում.
«Նրանք բոլորն ամուր կանգնած են իրենց հողի վրա, բոլորը պատրաստ են պաշտպանել իրենց հայրենիքը և որևէ նշույլ անգամ ադրբեջանական կրակոցները չեն ընկճել այնտեղ ապրող հայերի ոգին: Առաջին գծում ապրող տավուշցիներն ամուր կանգնած են իրենց պատմական հողին»:
