Մոլդովայի ձախ կենտրոնամետ ընդդիմության կողմնակիցները գիշերը փակել են Քիշնևի կենտրոնական պողոտան՝ երթևեկելի մասում տեղադրելով վրաններ: Բողոքի վայր ժամանած հատուկ ջոկատայիններին չի հաջողվել վրանները հանել՝ հայտնում է RIA Novosti-ն: Նոր «վրանային քաղաքի» շուրջը շղթա են կազմել «Սոցիալիստների կուսակցության» պատգամավորները և «Մեր կուսակցության» ներկայացուցիչները:
«Մենք անցանք պլան Բ-ին: Փակեցինք կենտրոնական պողոտան: Հետագայում՝ ավելի շատ…»,- Facebook-ի իր էջում գրել է «Սոցիալիստների կուսակցության» ղեկավար Իգոր Դոդոն:
