Չինաստանի պատմության մեջ առաջին անգամ Լուսին ուղարկված սարքը՝ «Նեֆրիտե ճագարը», 2 շաբաթ տևած անսարքությունից հետո վերջապես վերահաստատել է կապը Երկիր մոլորակի հետ։
Ինչպես նշում է The Guardian-ը, լուսնագնացը կենդանության նշաններ է ցույց տվել երեկ, ինչն ուրախության ու հպարտության նոր ալիք է առաջացրել չինացիների շրջանում։
Պարբերականը մանրամասնում է, որ լուսնագնացի տեխնիկական խնդիրներն առաջացել են Լուսնի բարդ մակերևույթի ու այնտեղ տիրող ցրտի պատճառով։
«Կարելի է ասել, որ ցուրտ եղանակը ստիպել էր մեր «ճագարին» քուն մտնել, սակայն այժմ այն կրկին արթուն է ու կշարունակի Լուսնի մակերևույթի ուսումնասիրությունը»,-նշել է Չինաստանի լուսնային ծրագրի խոսնակ Պեյ Ցաոյը։
Հայտնի է, որ «Նեֆրիտե ճագարը» Լուսնի վրա կանցկացնի առնվազն մի քանի ամիս։
