Գրոզնիի քաղաքապետարանը չեչենական ավանդույթի համաձայն հարսանեկան արարողությունների կանոններ է մշակել։
Համաձայն այդ կարգադրության, հարսանիքներում արգելվում է կրակել որևէ տեսակի զենքից, ներկայանալ անհամապատասխան հագուստով և սպիրտային խմիչք օգտագործել, փոխանցում է Gazeta-ն։
«Խստորեն արգելվում են անպատկառ ռեպլիկներն ու գործողությունները, ինչպես նաև տարբեր անպարկեշտ շարժումները, մի ելույթի ընթացքում երկու և ավելի զուգընկերուհու հետ պարելը, շրջանի մեջ երկու և ավելի զույգի միաժամանակյա հայտնվելը, տարեցներից առաջ ընկնելով առաջին պարին պարելու դուրս գալը», — ասվում է որոշման մեջ։
Հարսի պարն ու տորթ կտրելը եւս արգելված են չեչենական հարսանիքում։
Փաստաթուղթը ստորագրվել է սեպտեմբերի վերջին եւ արդեն ուժի մեջ է մտել։
