Երեկ՝ հոկտեմբերի 6-ին շղթայական ավտովթար է տեղի ունեցել Երևանում: Ժամը 21:00-ի սահմաններում Բաղրամյան պողոտայում Չեխովի անվան դպրոցի դիմաց բախվել են Երևանի բնակիչներ 33-ամյա Էդգար Հակոբյանի վարած BMW մակնիշի 006 LL 60 համարանիշի, 56-ամյա Ռուբեն Քոլյանի վարած Mercedes մակնիշի 24 UU 271 համարանիշի և 35-ամյա Աղասի Ասատրյանի վարած Opel մակնիշի 29 LS 910 համարանիշի ավտոմեքենաները:
Ինչպես հայտնում է ֆոտոլրագրող Գագիկ Շամշյանը, վթարի հետևանքով ըստ նախնական տեղեկությունների բարեբախտաբար զոհեր և վիրավորներ չկան: Օպերատիվորեն վթարի վայր են ժամանել ճանապարհային ոստիկանության 1-ին սպայական գումարտակի ծառայողները և ապահովագրական ընկերությունների ներկայացուցիչները:
Ֆոտոլրագրողի տեղեկություններով BMW-ն հաշվառված է ՀՀ Արտաքին գործերի նախարարությունում և սպասարկում է ՀՀ Արտաքին գործերի փոխնախարար Շավարշ Քոչարյանին:
Մանրամասն՝ shamshyan.com
