Գերմանիայի արևմուտքում բացվել է երկրի ամենաերկար կախովի կամուրջը։ Այն անցնում է կիրճի վրայով՝ 91.5 մետր բարձրությամբ։
Հանգստյան օրերին բացված տեսարժան վայր են այցելել հազարավոր զբոսաշրջիկներ։ Այս մասին հայտնում է Thetelegraph-ը։
365 մետր երկարությամբ կամուրջը ձգվում է Մյորսդորֆ և Զոսբերգ քաղաքների միջև ընկած անտառով։ Գաղափարի հեղինակներն են տեղի իշխանությունները, որոնք ավելի շատ զբոսաշրջիկների գրավելու միջոց են փնտրել։
Կամուրջի շինարարությունը, որը տևել է 130 օր, իրականացրել է շվեյցարական ընկերությունը։
