Բրիտանական Iron Maiden խումբը «Only the good die young» (Բարի մարդիկ երիտասարդ են մահանում) վերնագրով մի երգ ունի, սակայն գիտնականները, այնուամենայնիվ, եզրակացության են եկել, որ զայրույթը կարող է վաղաժամ մահվան պատճառ դառնալ, հատկապես տղամարդկանց մոտ։
Մասնագետները 35 տարի շարունակ ուսումնասիրել են 20-40 տարեկան կամավորների հոգեկան վիճակը՝ պարզելով, թե որքան հաճախ են նրանք զայրանում և հեշտ է արդյոք նրանց հունից հանել։
Արդյունքների համաձայն` տղամարդիկ, որոնց զայրույթի մակարդակը 1.57 անգամ բարձր է մյուսներից, նրանց մոտ վաղաժամ մահվան ռիսկն ավելի մեծ է, հայտնում է Московский Комсомолец-ը:
Գիտնականներն ասում են, որ մարդիկ, որոնք հեշտ են բորբոքվում, անարդարության մասին չափազանցված, անգիտակից պատկերացումներ ունեն։ Դրա պատճառը անցյալից մնացած բացասական ապրումներն են ու սթրեսը։
