Ամերիկյան «Կյանքի խոսք» աղանդավոական կազմակերպությունում երկու պատանու են ծեծի ենթարկել: Նրանց բնռությամբ ստիպել են մեղքերի խոստովանություն կատարել: Այս մասին հայտնում է Associated Press-ը:
Դեպքը տեղի է ունեցել կիրակի երեկոյան՝ հոկտեմբերի 11-ին, Նյու Յորք նահանգում: Բռնության են ենթարկվել 19-ամյա Լուկաս Լեոնարդը և նրա 17-ամյա եղբայր Քրիստոֆերը:
«Մի քանի ժամ շարունակ տղաների նկատմամբ բռնություն է կիրառվել, այն հույսով, որ տղաներից յուրաքանչյուրը կխոստովանի իր մեղքը և ներում կխնդրի», — հայտնել է Նյու Յորքի ոստիկանության ներկայացուցիչ Մայքլ Ինսերան:
Պատանիները հարվածներ են ստացել փորի, սեռական օրգանների և իրանի հատվածներում: Բռնությանը մասնակցել են կրոնական կազմակերպության 4 անդամներ, ինչպես նաև տղաների ծնողները և ավագ քույրը:
Ոստիկանությունը հետաքննություն է սկսել, այն բանից հետո, երբ երկուշաբթի՝ հոկտեմբերի 12-ին, բարեկամները հիվանդանոց են տեղափոխել ավագ որդուն: Արդյունքում, ստացված մարմնական վնասցվածքներից տղան մահացել է: Կրտսեր որդուն գտել են աղանդավորական կառույցի երկրորդ հարկում՝ ծանր վնասվածքներով և տարել են հիվանդանոց
Տղաների ծնողները ձերբակալված են՝ սպանության մեղադրանքով, իսկ մյուս 4 անձինք՝ բռնություն կիրառելու:
