Թբիլիսիի քաղաքապետ Դավիթ Նարմանիայի հրավերով Թբիլիսիի օրվան նվիրված տոնական միջոցառումներին մասնակցելու նպատակով Երևանի քաղաքապետի տեղակալ Դ.Օհանյանի գլխավորած պաշտոնական պատվիրակությունը հոկտեմբերի 17-18-ը եղել է Վրաստանի մայրաքաղաքում:
Այցի շրջանակում Երևանի պատվիրակության անդամները հանդիպում են ունեցել Թբիլիսիի քաղաքապետ Դավիթ Նարմանիայի հետ: Հանդիպման ընթացքում քննարկվել են երկկողմ համագործակցությանն առնչվող հարցեր:
Պատվիրակության անդամները նաև այցելել են Թբիլիսիի Սուրբ Էջմիածին հայկական եկեղեցի և հանդիպել տեղի հայկական համայնքի ներկայացուցիչների հետ:
Երևանի քաղաքապետարանի տեղեկատվության
և հասարակայնության հետ կապերի վարչություն
