Թայվանի քաղաքացուհին կարող է 30 հազար դոլարի չափով տուգանք վճարել ԱՄՆ տարածքում ծննդաբերելու փորձ կատարելու համար՝ այդ մասին հայտնում է The Seattle Times-ը:
Նշվում է, որ կինը օդանավով թռչել է հղիության 32-րդ շաբաթվա մեջ և ամբողջ ճանապարհին հարցրել է, թե արդյոք իրենք ԱՄՆ տարածքում են գտնվում:
Ծննդաբերությունը սկսվել է հենց երկնքում, օդաչուն վայրէջք է կատարել, ինչի արդյունքում երեխան իրոք Ամերիկայի քաղաքացիություն ստացավ:
ԱՄՆ օրենսդրության համաձայն՝ քաղաքացիություն ստանալու երկու հնարավորություն կա՝ կամ երեխայի ծնողները պետք է ԱՄՆ քաղաքացի լինեն, կամ երեխան պետք է ծնվի երկրի տարածքում:
Թայվանի իշխանությունները գտնում են, որ կինը սխալ է վարվել մյուս ուղևորների հանդեպ, ովքեր ստիպված են եղել հետաձգել իրենց թռիչքը վայրէջքի պատճառով:
