Հայ–ադրբեջանական սահմանագծին` Տավուշի տարբեր հատվածներում, այսօր՝ հոկտեմբերի 24-ին, ամբողջ օրվա ընթացքում հրադադարի ռեժիմի խախտումներ են արձանագրվել։ Այս մասին NEWS.am-ին տեղեկացրին ՀՀ ՊՆ մամուլի ծառայությունից:
Օրվա ընթացքում հիմնականում անկանոն բնույթի կրակոցներ են եղել: Մեր տեղեկություններով երեկոյան հակառակորդը ավելի ինտենսիվ է սկսել կրակել, վնասվել է Բաղանիսի բնակիչների մեկի տունը։
Պաշտպանության նախարարությունից վստահեցրին, որ իրավիճակը վերահսկելի է, զինված ուժերը իրավիճակին համարժեք գործողություններ են իրականացնում: