ԵԱՀԿ Մինսկի խմբի համանախագահներն այսօր կայցելեն տարածաշրջան։ Այդ մասին օրեր առաջ Twitter-ի իր միկրոբլոգի միջոցով հայտնել էր ՀՀ ԱԳ նախարարության մամուլի խոսնակ Տիգրան Բալայանը։
Համանախագահներ Իգոր Պոպովը (Ռուսաստան), Ջեյմս Ուորլիքը (ԱՄՆ) և Պյեռ Անդրյոն (Ֆրանսիա) այսօր կայցելեն Հայաստան:
Այցի ընթացքում նրանք նախատեսում են հանդիպել Հայաստանի Հանրապետության Նախագահ Սերժ Սարգսյանի, արտգործնախարար Էդվարդ Նալբանդյանի հետ։
Հայտնի է նաև, որ համանախագահները Բաքվում կլինեն հոկտեմբերի 28-ին: Նրանք նպատակադրված են կազմակերպել Հայաստանի և Ադրբեջանի նախագահների հանդիպում:
