ՌԴ նախագահ Վլադիմիր Պուտինի մամլո քարտուղար Դմիտրի Պեսկովը հորդորել է կապ չփնտրել Սիրիայում իրականացվող ռուսական օպերացիայի և Սինայի ավիաաղետի միջև:
«Դրանք բացարձակապես տարբեր հարցեր են և պետք չէ կապել իրար հետ Սիրիայի օպերացիան ու Սինայում А321-ի ավիաաղետը»,- ասել է Պեսկովը:
Նա ընդգծել է, որ աղեետից հետո այդ երկու դեպքերի վերաբերյալ շրջանառվում են բազմաթիվ սպեկուլյացիաներ:
«Սպեկուլյացիաներ կարելի է կատարել որքան հնարավոր է, սակայն դա չի նշանակում, թե դա կարող է առնչություն ունենալ իրականության հետ»,- հավելել է Պեսկովը:
Պեսկովը վստահեցրել է, որ հասարակությունը կտեղեկանա հետաքննության արդյունքների մասին:
