Հայաստանի արտաքին գործերի նախարարությունը հրապարակել է Հարավային Սուդանում այսօր՝ նոյեմբերի 4-ին, վթարի ենթարկված բեռնատար ինքնաթիռի անձնակազմի անդամների անունները:
Նախնական տվյալներով՝ անձնակազմի անդամներն են՝
Հրամանատար Գեւորգ Թովմասյան
Երկրորդ օդաչու Սամվել Համբարձումյան
Բորտ-ինժեներ Սամվել Մկրտչյան
Ավիատեխնիկ Արմեն Անտոնյան
Ավիատեխնիկ Սուրեն Պետրոսյան
2014թ.-ից AN12 օդանավը հանվել է Հայաստանի գրանցումից: Պատկանում է Asia Airways տաջիկական ընկերությանը:
Հիշեցնենք, որ այսօր՝ նոյեմբերի 4-ին, Հարավային Սուդանում կործանվել էր Allied Services Limited ավիաընկերությանը պատկանող բեռնատար ԱՆ-12 օդանավը։ ԱՆ-12-ը վայր է ընկել թռիչքից անմիջապես հետո եւ վնասելով բնակելի շինություններ՝ ընկել է Նեղոս գետը։ Ինչպես ավելի վաղ հայտնել էր Հարավային Սուդանի նախագահի ներկայացուցիչ Աթենի Վեք Աթենին, ԱՆ-12-ում եղել է 18 մարդ, այդ թվում ՀՀ 5 քաղաքացի եւ մեկ ռուսաստանցի։ Վթարից փրկվել է 3 մարդ, նրանք բոլորը Հարավային Սուդանի քաղաքացիներ են։
