ՀՀ տրանսպորտի և կապի նախարարությունից տեղեկացնում են, որ հատուկ չվերթով Մոսկվայից Երևան ժամանող ինքնաթիռը նախապես հայտարարված 20:00-ի փոխարեն վայրէջք կկատարի 21:45-22:00-ի սահմաններում:
Նշենք, որ Ռուսաստանի Դաշնության Տուլայի տարածաշրջանի Ուզլովսկի քաղաքի մոտ տեղի ունեցած ավտոբուսի վթարի զոհերի աճյունները և վիրավորներից 32-ը Երևան են տեղափոխվում այսօր՝ նոյեմբերի 5-ին, հատուկ չվերթով:
Ըստ ՏԿ նախարարության՝ Երևան ուղևորվող ինքնաթիռի թռիչքը Մոսկվայից Երևանի ժամանակով նախատեսված ժամը 17:00-ի փոխարեն իրագործվել է 18:45-ին: Ուստի ինքնաթիռի վայրէջքը Երևանի «Զվարթնոց» օդանավակայանում նախատեսված 20:00-ի փոխարեն կկատարվի Երևանի ժամանակով ժամը 21:45-22:00-ի սահմաններում:
