Մոսկվան Դամասկոսից հաստատում է ստացել, որ պատրաստ է ՄԱԿ-ի հովանու տակ մասնակցել սիրիական ընդդիմության ներկայացուցիչների հետ բանակցություններին։ Այդ մասին հայտարարել է ՌԴ ԱԳՆ-ի պաշտոնական ներկայացուցիչ Մարիա Զախարովան։
Նա ընդգծել է, որ այժմ սիրիական ընդդիմությունը պետք է զբաղվի ցուցակ կազմելու հարցով, թե ովքեր են մասնակցելու երկխոսությանը։ Նա ընդգծել է, որ Սիրիայի հակամարտության կարգավորման վերաբերյալ Ռուսաստանի դիրքորոշումը չի ենթարկվել փոփոխությունների, և որ Մոսկվայի համար նախկինի նման սկզբունքային կարևոր հարց է մնում սիրիական պետականության պահպանումը։
