Սյունիքի մարզի Ագարակ քաղաքում շարունակվում է սահմանադրական փոփոխությունների իրապատման «Հարավ» ուղղության քարոզարշավը:
«Հարավ» ուղղության այո-ի մասնակիցներն են՝ Սահմանադրական բարեփոխումների մասնագիտական հանձնաժողովի անդամ Հրայր Թովմասյանը, Հայաստանի PR ասոցիացիայի նախագահ Արման Սաղաթելյանը, ԱԺ «Հանրապետական» խմբակցության պատգամավորներ Կարինե Աճեմյանը, Վարդան Այվազյանը: Իսկ ոչ-ի ճակատից են հասարակական կարծիքի ուսումնասիրության կենտրոնի նախագահ Թամարա Գևորգյանը, քաղաքական գործիչ Ազատ Արշակյանը, ակտիվիստ Վաղինակ Շուշանյանը, ԱԺ պատգամավոր Հրանտ Բագրատյանը:
Սահմանադրական փոփոխությունը քաղաքական, իրավական փաստաթուղթ է, ինչը ենթադրում է հասրակության գործուն մասնակյցությունը ասաց Թամարա Գևորգյանը Արման Սաղաթելյանի հետ բանավեճի ժամանակ:
«Հասարակությունն օտարված է: Ժողովրդավար մեխանիզմն այն է, որ մինչ լուրջ գործընթացներ սկսելը, դրա մասին խոսում են մասնագետները և վերլուծություն են ներկայացնում»,- ասաց նա:
Թամարա Գևորգյանի կարծիքով՝ հասարակությունը պետք է հենց սկզբից ունենա իր մասնակցությունը այս գործընթացքում, ոչ թե վերջին պահին քվեարկի այո կամ ոչ:
«Մենք հասարկությանը միշտ վերջին պահին ենք դիմում»,-ասաց նա:
Արման Սաղաթելյան էլ հակադարձեց. «Հասարակությունն օտարված չէ: Պարզապես հասարակությունն ամբողջությամբ տեղեկացված չէ»,- ասաց նա:
