Սիրիացի փախստականների թիվը հարևան երկրներում կարող է աճել՝ մինչև տարեվերջ հասնելով 4 մլն մարդու։
Ինչպես տեղեկացնում է ИТАР-ТАСС գործակալությունը, նման կանխատեսումով է հանդես եկել ՄԱԿ-ի փախստականների հարցերով հանձնակատար Անտոնիու Գուտերեշը։
«Մինչև 2014թ.-ի վերջ 4 մլն սիրիացի կարող է փախստական դառնալ։ Ի լրումն նրանց՝ Սիրիայում այժմ մոտ 6 մլն ներքին տեղահանված կա, և բնակչության կեսից ավելին հումանիտար օգնության կարիք ունի»,-ասել է նա։
Հանձնակատարի խոսքով՝ ներկայում երկրից դուրս է եկել 2.5 մլն մարդ։ Նրանց մեծ մասն ապաստան է ստացել հարևան Լիբանանի, Հորդանանի, Թուրքիայի, Եգիպտոսի, Իրաքի տարածքներում և դժվարին տնտեսական իրադրություն ստեղծել այդ երկրներում։
Որպես օրինակ՝ նա նշել է 4 միլիոնանոց Լիբանանը, որտեղ ավելի քան 1 մլն սիրիացի կա։
