Աշոտ Եսայանը ֆեյսբուքյան իր էջում գրում է.
Այսօր Ազգային ժողովում քվեարկության դրվեց ճանապարհային երթեւեկության անվտանգության ապահովման օրենքում փոփոխություններ կատարելու մասին նախագիծ, ըստ որի ավտոմեքենաների տեխզնման անցկացումը կիրականացվի 3 տարին մեկ անգամ: Կողմ՝ 21, դեմ՝ 44, երկու ձեռնպահ քվեարկության արդյունքում որոշումը չնդունվեց:
Սա հերթական փաստացի ապացույցն է, որ մեր պատգամավորների գերակշիռ մասը ԱԺ-ում «պլանշետով» խաղ անելուց, իրար հայհոյելուց և սեփական շահերից բխող օրինագծերին կողմ քվեարկելուց բացի, ուրիշ ոչինչ չեն անում:
Տեսեք մենք ՊԱՐՏԱԴԻՐ կերպով վճարում ենք ինչ-որ թղթի համար, որը «Տեխզննաման կտորն» է կոչվում և անգամ չգիտենք, թե ո՞ւր է գնում այդ գումարները կամ ո՞ւմ գրպանում է հանգրվանում և եթե պարտադիր է, ապա որևէ խնդրի դեպքում ո՞վ և որքան կփոխհատուցի մեր կողմից կրած վնասը: Խոսքս ավելի պատկերավոր դարձնելու համար, օրինակ բերեմ ԱՊՊԱ-ն: Մենք ՊԱՐՏԱԴԻՐ կերպով վճարում ենք ինչ-որ կտրոնի համար, բայց վթարի դեպքում ընկերությունը փոխատուցում է մեր վնասը, այսինքն կա տրամաբանություն: Հիմա ես ինչի՞ համար վճարեմ տեխզննման կտրոնի համար, եթե դրանից ինչ-որ ակնկալիք չունեմ: Առաջարկված օրինագծի փոփոխմանը կողմ քվեարկեիք հարգելի պատգամավորներ, որ ասենք գոնե 3 տարին մեկ էլի անիմաստ հարստացնեինք ինչ-որ մեկին:
Հ.Գ. Կիսանախագահական կառավարման համակարգը ուզում եք փոխեք խորհրդարանականով, ես որ բանից անտեղյակ քաղաքացի լինեմ, մենակ այն, որ նմանատիպ գործելաոճով մարդկանց՝ «պատգամավորների» պետք է տեսնեմ երկրիս և մասնակի իմ ապագայի հարցերով «զբաղվող», պարզ չի, որ առանց տատանվելու բացասական եմ տրամադրվելու փոփոխությունների հետ կապված:
Հ.Գ.Գ. Խոսքը վերաբերվում է ոչ բոլոր պատգամավորներին:
