ԱՄՆ Ֆիլադելֆիա քաղաքի բնակիչ Քեյդեն Քոուլմանը կնոջից տղամարդու վերածվելուց 10 տարի անց հղիացել է՝ հայտնում է New York Daily News-ը: 29-ամյա տրանսգենդերը 2 տարի առաջ է երեխա ունեցել, սակայն այդ մասին ԶԼՄ-ներին որոշել է հայտնել միայն այժմ:
Քոուլմանը պատմել է, որ ինքն ու իր մշտական զուգընկեր Էլայջան ընտանիքում սպասվող համալրման մասին իմացել են միայն հղիության 21-րդ շաբաթում:
Բժիշկները ենթադրել են, որ Քոուլմանը հղիացել է, երբ 2013թ. տղամարդկային հորմոնների ընդունման վեցշաբաթյա ընդմիջում է արել՝ մաստեկտոմիային (կրծքագեղձերի հեռացում) պատրաստվելուց առաջ:
