Այսօր, Կոսովոյի ընդդիմության ակտիվիստները արցունքաբեր գազ եւ պղպեղային սփրեյ են կիրառել խորհրդարանի նիստի աշխատանքը խափանելու համար, փոխանցում են ռուսական ԶԼՄ-ները:
Նշվում է, որ մոտ երկու ամսվա ընթացքում կոսովո-ալբանական ընդդիմությունն արդեն երրոդ անգամ է արցունքաբեր գազ կիրառում՝ խափանելով տեղի խորհրդարանի` Սկուպշչինայի աշխատանքը:
Այսօր Կոսովոյի խորհրդարանը պետք է քննարկեր 2016 թվականի բյուջեն: Նիստի սկզբին «Ինքնորոշման» պատգամավորները շրջապատել էին ամբիոնը: Երբ իշխող` Կոսովոյի ժողովրդավարական կուսակցության խորհրդարանական խմբի ղեկավար Ադեմ Գրաբովցին փորձել էր սկսել աշխատանքը, «Ինքնորոշման» առաջնորդ Ալբին Կուրտին Խորհրդարանի պահապանների եւ ներկա նախարարների ուղղությամբ պղպեղի փոշի էր ցանել: Միաժամանակ ընդդիմության պատգամավորների խմբից դահլիճ էր նետվել արցունաբեր գազով պայթագլան:
Կոսովոյի խորհրդարանի նախագահը ստիպված էր եղել ընդհատել նիստը:
