Սպորտի միջազգային օր. դեսպանները՝ Շարապովա, Կասիլյաս, Զիդան, Ռոնալդո

«Մեծ սաղավարտի» քառակի չեմպիոնուհի և ՄԱԿ-ի բարի կամքի դեսպան, ռուս անվանի թենիսիստուհի Մարիա Շարապովան դարձել է Միացյալ Ազգերի Կազմակերպության հովանու ներքո անցկացվելիք «Հանուն խաղաղության և զարգացման Սպորտի միջազգային օրվա» (International Day of Sport for Development and Peace) դեմքը։

Ինչպես փոխանցում է sports.rս-ն, տոնն առաջին անգամ նշվելու է այս կիրակի՝ ապրիլի 6-ին։

Սպորտի միջազգային օրվա դեսպաններ են ընտրվել հինգ ֆուտբոլիստներ, այդ թվում՝ Ռոնալդոն, Զինեդին Զիդանը, Դիդյե Դրոգբան, Իկեր Կասիլյասն ու բրազիլուհի Մարտան։