Մեծ Բրիտանիայի թագուհի Էլիզաբեթ Երկրորդը Հռոմի պապ Ֆրանցիսկոսի հետ հանդիպման ժամանակհետաքրքրական նվերներ է մատուցել նրան, հայտնում է Interfax-ը։
Էլիզաբեթ թագուհին Վատիկան է ժամանել ամուսնու՝ իշխան Ֆիլիպի հետ: Հանդիպումը տևել է ընդամենը 30 րոպե:
Միապետների արտասովոր նվերների թվում են մի շիշ վիսկին, մի շիշ սիդրն ու մեկ տասնյակ ձվեր: Իսկ թագուհու ամուսինը Հռոմի պապին մի կճուճ մեղր է նվիրել:
Իր հերթին Հռոմի պապը բարձրաստիճան բրիտանացիներին է նվիրել քարե գունդ, որի վերևում խաչ է: Այդ նվերը նախատեսված է նորածին արքայազն Ջորջի համար։
Ֆրանցիսկոսը դարձել է կաթոլիկ եկեղեցու հինգերորդ առաջնորդը, ում հետ թագուհին՝ որպես անգլիկան եկեղեցու գլուխ, անձնական հանդիպում է ունեցել:
