«Զվարթնոց» օդանավակայանի մամուլի խոսնակ Գևորգ Աբրահամյանը «Հայկական ժամանակ»-ի թղթակցին ասել է, որ «Զվարթնոց» միջազգային օդանավակայանում անվտանգության ավելի խստացված միջոցառումներ են նախատեսված աշխատակիցների և ուղեբեռների զննման առումով:
Անվտանգության միջոցառումների խստացումը, ըստ նրա, պայմանավորված է Փարիզի ահաբեկչության հանգամանքով:
«Ուղևորներն առանձնապես չեն զգալու խստացումներ: Առաջիկայում կսկսեն կոշիկները ստուգել, միայն դա է, որ ուղևորներին թեթև անհարմարություն կպատճառի: Մնացած հարցերում ուղևորները չեն զգալու այդ խստացումներն ու ուժեղացումները»,- ասել է Աբրահամյանը:
