ՌԴ նախագահի մամուլի խոսնակ Դմիտրի Պեսկովը պաշտոնական Կիևին հիշեցրել է, որ 3 մլրդ դոլար պարտքը պետք է վճարել Մոսկվային, այլապես այդ պարտքը Ուկրաինային կարող է դեֆոլտի հասցնել:
«Պարտքը վճարել է պետք, այն չվճարելը կարող է դեֆոլտային իրավիճակ ստեղծել»,- ասել է Պեսկովը:
Հիշեցնենք, որ նախօրեին Ուկրաինայի վարչապետ Արսենի Յացենյուկն ուկրաինական հեռուստաեթերում հայտարարել էր, որ Կիևը Ռուսաստանին չի վճարելու 3 մլրդ դոլար պարտքը։
«Այլ պայմաններ, քան այլ վարկատուները, դուք չեք ստանալու։ Հիմնական պայմանն է՝ նվազեցնել պարտքը 20%-ով և բոլոր մարումները հետաձգել 4 տարով»,-ասել է Յացենյուկը՝ հակառակ դեպքում սպառնալով սառեցնել ռուսական պարտքի մարումը։