ԵԽԽՎ նախագահ Ան Բրասերը հերթական անգամ կոչ է արել ազատ արձակել ազատազրկված իրավապաշտպան Ինթիգամ Ալիևին՝ նրա առողջական վիճակի վատթարացմամբ պայմանավորված:
Ինչպես տեղեկացնում է haqqin.az-ը, Twitter-ի իր միկրոբլոգում նա գրել է. «Ես անհանգստացած եմ Ինթիգամ Ալիևի նկատմամբ ճնշումներով ու նրա առողջական վիճակի վատացմամբ: Հաշվի առնելով դա՝ կոչ եմ անում մարդասիրական նկատառումներով չեղարկել նրա մեղադրանքը»։
Նշենք, որ սա Բրասերի առաջին կոչը չէ Ադրբեջանի իշխանություններին՝ քաղբանտարկյալներին ազատ արձակելու պահանջով:
