Ամերիկյան Eagles of Death Metal ռոք խմբի անդամները առաջին փարիզյան սարսափելի ահաբեկչությունից հետո անգամ պատմել են կատարվածի մանրամասները, հայտնում է Korresspondent-ը: Տեսանյութի անոնսային տարբերակը հրապարակել է Vice պարբերականը, իսկ հարցազրույցի ամբողջական տարբերակը կհրապարակվի այս շաբաթվա մեջ:
Սոլիստ Ջեսսի Հյուզը, մասնավորապես, պատմել է, որ ահաբեկչական հարձակման սկզբից հետո երկրպագուները փախել են երգիչների հանդերձարան, բայց ահաբեկիչները վազել են նրանց հետևից ու սպանել: «Կենդանի մնաց միայն մի դեռահաս, ով թաքնվել էր իմ կաշվե բաճկոնի հետևում», -ասել է երաժիշտը: The Daily Mail-ը գրում է, որ Հյուզը հուզվել է կատարվածի մասին պատմելիս և հազիվ զսպել արցունքները:
Նա նաև հավելել է, որ բոլորը եղել են շատ վախեցած, իսկ այդքան շատ մարդ է մահացել, որովհետև չեն շտապել փախչել, որպեսզի չթողնեն իրենց ընկերներին միայնակ: «Շատերն իրենց մարմնով պաշտպանում էին ընկերներին կրակահերթից», -ասել է Հյուզը:
Հիշեցնենք, որ նոյեմբերի 13-ին խումբը Փարիզի Բատակլան համեչգասրահում համերգ էր տալիս երբ տեղի ունեցավ ահաբեկչությունը։
