Մայրաքաղաքի վարչական շրջաններում ավարտին են մոտենում ձմռան նախապատրաստական համալիր աշխատանքները: Առանձին շենքերում նորոգվում են միայն բազմաբնակարան շենքերի ջրամատակարարման և ջրահեռացման ներքին ցանցերը, ապակեպատվում են շքամուտքերի հարկաբաժինները:
Միևնույն ժամանակ ջրթափ խողովակների փոխարինման և մուտքերի բացակա դռների տեղադրման գործընթացն ավարտվել է: Աշխատանքների ընթացքի նկատմամբ Երևանի քաղաքապետարանի և վարչական շրջանների աշխատակազմերի պատասխանատուներն իրականացնում են պարբերական վերահսկողություն:
Երևանի քաղաքապետարանի տեղեկատվության
և հասարակայնության հետ կապերի վարչություն
