Այսօր՝ նոմեբերի 26-ին, կառավարության հերթական նիստի օրն է:
Կառավարության շենքի շրջակայքում և ներսում իրականացվում է աննախադեպ հսկողություն: Շենքում անվտանգության աշխատակիցները սովորականից ավելի շատ են և բոլորը զինված ինքնաձիգներով: Նման ուժեղացված հսկողություն նախկինում չէր եղել կառավարության շենքում:
Նշենք, որ այսօր «Հայկական ժամանակ» թերթը գրել էր, որ քաղաքական շրջանակներում շրջանառվում է վարկած, որ Նորք-Մարաշում զինված խմբավորման թիրախը եղել են ԱԺ-ն և Հովիկ Աբրահամյանը:
Հիշեցնենք, որ երեկ ԱԱԾ-ն Նորք-Մարաշում հայտնաբերել և վնասազերծել էր խումբ, որը մեծ քանակությամբ զենք է թաքցրել:
