Ինչպես ավելի վաղ հայտնել էինք, ՌԴ Կրասնոյարսկի երկրամասում վթարի էր ենթարկվել Մի-8 ուղղաթիռը: Ռուսական ԶԼՄ-ների փոխանցմամբ՝ ուղղաթիռի երկրորդ օդաչուն հայ է եղել. վթարի հետևանքով զոհվել է 53-ամյա Լևոն Թանանյանը։
lifenews.ru-ի փոխանցմամբ՝ ուղղաթիռը վթարի էր ենթարկվել Իգարկա օդանավակայանից թռչելուց րոպեներ անց: Նախնական տվյալներով՝ թռիչքը սպասարկել է երկու օդաչուից և մեկ բորտմեխանիկից բաղկացած անձնակազմը, նրանք երեքն էլ մահացել են վթարի հետևանքով:
Աղբյուրը նշում է, որ օդանավի հրամանատարը՝ 54-ամյա Ալեքսանդր Մոնախովը, իր կարիերայի ընթացքում իրականացրել է 9.019 ժամ թռիչք, որից ավելի քան 3.000-ը՝ որպես օդանավի հրամանատար: Երկրորդ օդաչուն՝ 53-ամյա Լևոն Թանանյանը, գրեթե նույնչափ փորձառություն և 9.383 ժամ թռիչք: