Դեմոկրատական կուսակցության նախագահ Արամ Սարգսյանը այսօր լրագրողների հետ զրույցում նշեց, որ քաղաքացիները տեղյակ չեն սահմանադրական փոփոխությունների նախագծի բովանդակությունից:
«Նույնիսկ մենք ամբիոն չենք ստացել, որ բովանդակային բացատրենք ժողովրդին՝ ինչու ենք ասում «ոչ»: Ինչ կատարվում է, արվում է շոուի մակարդակով»,- նկատեց նա:
Հանդիպմանը ներկա «այո»-ի կողմնակից ԱԺ «Հայ Յեղափոխական Դաշնակցություն» խմբակցության անդամ Արծվիկ Մինասյանն էլ իր հերթին նշեց, որ փոփոխությունները իշխանությունների լիազորությունների մեջ է մտնում.
«Սահմանադրական փոփոխությունները քաղաքական ընդդիմությանը շատ լուրջ իրավունք են վերապահել և մենք ունենալու ենք ոչ միայն պատասխանատու իշխանություն, այլև պատասխանատու ընդդիմություն»: