Ոստիկանությունը արցունքաբեր գազ է կիրառել Փարիզում նոյեմբերի 29-ին կլիմայի պաշտպանության ցույցին անկարգությունների սադրիչների նկատմամբ: Չարտոնված միտինգն անցկացվել է Հանրապետության հրապարակում՝ քաղաքի կենտրոնում: Ձերբակալվել է ցույցի ավելի քան 200 մասնակից, հայտնում է Huffingtonpost-ը:
Ավելի վաղ Ֆրանսիայի կառավարությունը արգելել էր երթերի անցկացումը Փարիզում ՄԱԿ-ի` կլիմայական փոփոխություններին նվիրված համաժողովին ընդառաջ: Սակայն Հանրապետության հրապարակում հազարավոր մարդիկ են հավաքվել, ովքեր սկսել են տարբեր առարկաներ նետել ոստիկանների վրա. վերջինները արցունքաբեր գազ են կիրառել եւ ցրել ցույցը:
Նշենք, որ Ֆրանսիայի մայրաքաղաքում զանգվածային միջոցառումների անցկացումն արգելվել էր նոյեմբերի 13-ին տեղի ունեցած ահաբեկչությունից հետո, երբ իշխանությունները արտակարգ դրություն հաստատեցին` 3 ամիս ժամկետով:
