Դեկտեմբերի մեկի համազգային հանրահավաքին ընդառաջ լրագրողների հետ հանդիպման ժամանակ ընդդիմության միասնական շտաբի պետ Ժիրայր Սեֆիլյանը հայտնեց, որ առաջիկա օրերն արտառոց օրեր են լինելու հայ ժողովրդի համար:
Նրա տեղեկացմամբ` այս ընթացքում «Նոր Հայաստան» հանրային ճակատը զբաղվել է իրազեկման աշխատանքներով, հիմնական շեշտադրումն է եղել ոչ թե մասնակցել սահմանադրական հանրաքվեին և «ոչ» ասել, այլ կասեցնել այս գործընթացը:
Ժիրայր Սեֆիլյանի դիտարկմամբ`քաղաքացիները դեկտեմբերի մեկին հրապարակ պետք է գան հետևյալ նպատակով.
«Չվերադառնալու տուն մինչև չձերբազատվենք այս կեղեքող, ոճրագործ համակարգից: Նկատի պետք է ունենան այս հանգամանքը և համապատասխան հանդերձանքով ներկա լինեն Ազատության հրապարակում»:
