ՀայաստանիՀանրապետության վարչապետ Հովիկ ԱբրահամյաննԱռողջապահության նախարար Արմեն Մուրադյանին հանձնարարեց ուսումնասիրել դեղորայքի շուկան և արդյունքներն այսօրվա ընթացքում ներկայացնել իրեն: ՀՀ կառավարության նիստում վարչապետը նշեց, որ այդ շուկան ևս գտնվում է իր ուշադրության կենտրոնում, ուստի հնարավոր թանկացումները պարզելու համար անպայման պետք է ուսումնասիրություն կատարել:
Ավելի վաղ կրկին կառավարության նիստում վարչապետն առաջարկել էր Հայաստանի տնտեսական մրցակցության պաշտպանության պետական հանձնաժողովի նախագահ Արտակ Շաբոյանին՝ մանրամասն ուսումնասիրել լայն սպառման ապրանքների շուկան և ամենօրյա կտրվածքով դրանց արդյունքները ներկայացնել իրեն:
