ԱՄՆ պետքարտուղար Ջոն Քերին Հունաստանի արտգործնախարար Նիկոս Կոտզիասի հետ Աթենքում հանդիպմանը հայտարարել է, որ Սիրիայի նախագահ Բաշար Ասադի հեռանալուց առաջ հնարավոր է սիրիական կառավարության և ապստամբների համատեղ պայքարը ԴԱԻՇ արմատական խմբավորման դեմ։ Այս մասին փոխանցում է Gazeta.ru-ն։
Այնուհանդերձ Քերին ասել է, որ չափազանց բարդ կլինի նման համագործակցության ապահովումն առանց Ասադի ապագայի վերաբերյալ որևէ ցուցմունքի։
Երեկ Բելգրադում ելույթի ժամանակ Քերին հայտարարել էր ԴԱԻՇ-ի դեմ ցամաքային գործողության համար հնարավորություն փնտրելու անհրաժետության մասին։ Նա նաև հավելել էր, որ միայն օդից անհնար է իսլամիստների նկատմամբ հաղթանակի հասնելը։
Ներկայում Սիրիայում ԴԱԻՇ-ի դեմ ցամաքում կռվում են միայն քրդական միավորումներն ու սիրիական բանակը։
