ТАСС–ի փոխանցմամբ՝ ԵԱՀԿ արտգործնախարարների խորհրդի նիստի մասնակիցներին հաջողվել է համաձայնության գալ ահաբեկչության դեմ պայքարի և մի շարք այլ փաստաթղթերի շուրջ։ Այս մասին հայտարարել է ԵԱՀԿ նախագահ, Սերբիայի առաջին փոխվարչապետ, արտգործնախարար Իվիցա Դաչիչը:
«Մենք գոհ ենք, որ չնայած տարաձայնություններին ու բեւեռացմանը, կարողացանք ընդունել մի շարք կարեւոր որոշումներ»,– ասել է նա։ Այդ թվում նա առանձնացրել է ահաբեկչության, թմրաշրջանառության, բռնության եւ ահաբեկչության տանող էքստրեմիզմի դեմ պայքարի ոլորտներում ընդունված որոշումները։
Ահաբեկչության դեմ պայքարի ամփոփիչ հռչակագիրը նախաձեռնել էր Ռուսաստանը։
